الرقاق الفلاحى

الرقاق الفلاحى 

المقادير

8 كوب دقيق


نصف ملعقه صغيره ملح

3 كوب زبادى تقريبا ( حسب نوع الدقيق ممكن يأخذ اكثر وممكن اقل )

علبه قشطه 

نصف كوب ذبده فى حراره الغرفه ( ساعات ما بستخدمها ليكون اخف )


الطريقة 


نضع الدقيق والذبده والقشطه وثلاث ارباع كميه الزبادى

ونعجنهم كويس ممكن نضيف زبادى كمان لو العجينه كانت يابسه لغايه ما يبقى عندنا عجينه جيدة لا تلتصق باليد

نتركها ترتاح حوالى نصف ساعه

وبعدين نكورها كور صغيره نأخذ كره ونفردها رفيع جدا

هما فى مصر طبعا بيخبزوها فى فرن حار جدا مخصص للخبز وبما انى هنا فى الغربه ومعنديش الفرن ده فسويته فى المقلاه على البوتاجاز من فوق

ناخذ وحده الرقاق ونضعها على النار

ونقلبها

كل ما نخلص واحده نضعها فى حله او ونغطيها علشان الرقاق ما ينشف من الهوا

وبعد ما نخلص المقدار والرقاق يبرد نضعه فى كيس للحفظ ونضعه فى الفريزر وكل ما تحتاجى 

تأخذى الكميه اللى انتى عايزاها عشان يفضل طازج كل مره تاكليه فيها

ثم يقدم بالهنا والشفا بالحشوات اللى تحبيها